But I still remember the pain of december .

السلام عليكم
تجاهلوا العنوان ماعرفت شكتب D: .. اليوم البوست مختلف شوي ، راح يكون تجهيزي لجمعة صحباتي قبل امس السبت فَ راح اتكلم عن الميك اب اللي حطيته وعن اللبس يعني هالبوست كَـ نوع من التغير D: .

ببدأ اول بالميك اب اعتمدت الميك يكون خفيف مره مكياج عيوني من ابسط مايمكن لأن المناسبه بسيطه ولأني راح اعتمد روج غامق .

- البرايمر : Hourglass Veil Mineral Primer - هالبرايمر من اورقلاس هو التوب عندي هالفتره .. قوامه مختلف عن اي برايمر جربته خفيف مره كأنه مويه بمجرد ما اوزعه على وجهي يندمج بسرعه ويخلي البشره مطفيه وناعمه وما يعطي احساس اني حاطه شي ، لونه ابيض بس اول مايندمج يروح اللون وتنور البشره ، برضو يساعد ان الميك اب يكون ثابت فتره اطول .

- الفاونديشن : Dior Star Foundation - لأن الجمعه كانت بالعصر اخترت فاونديشن يكون خفيف ويبين طبيعي مره على البشره هالفاونديشن من ديور بالنسبه لي اشوفه خفيف مره على البشره وتغطيته برضو خفيفه يوحد البشره ويغطي العيوب البسيطه ويعطي نهايه مضيئه وطبيعيه مره .. درجتي 20 اسمها Light Beige تناسب البشرات الفاتحه اللي اساسها محايد .. اللي درجتها في ماك NC20 راح تناسبها الدرجه هذي ودرجه ثانيه رقمها 21 اسمها Linen وهي برضو للبشرات الفاتحه لكن اللي اساسها اصفر .

- الكونسيلر : NARS Radiant Creamy Concealer - تكلمت عنه بالتفصيل هنا الدرجه اللي استخدمتها كاسترد - Custerd اساسها اصفر واستخدمها تحت العين وعلى الجبهه وعظمة الانف الكونسيلر جمييل كتغطيه وحتى كهايلايت ذكرت قبل اني احياناً اذا شفت هالاتي شوي غامقه اخلطه مع كونسيلر برو لونق وير من ماك بس لما ما احتاج هذيك التغطيه العاليه اشوفه لوحده ممتاز كخافي عيوب وبنفس الوقت ينور الوجه .

برايمر للعين : M.A.C Pro Longwear Paint Pot - هو بالاساس ظل عين كريمي ينشف لمات ويوحد الجفن ويعطي لون واضح وقوي وبرضو ثباته عالي جداً ومايخطط انا استخدم هالدرجه منه اللي هي سوفت اوكر - Soft Ocher كَـ بيس للظل الدرجه بيج على اصفر توحد لون الجفن لو جفنك فيه عروق واضحه اللون الاصفر يلغيها ، برضو احب استخدمه لأنه يساعد بإبراز الوان الظل ويخليها اوضح واكثر ثبات .. بصراحه احبه اكثر من اي برايمر عين .

الحواجب : Anastasia Beverly Hills Dipbrow Pomade - توني شاريته كنت على اساس بنزله في بوست مشتريات بينزل قريب بس ماقدرت استحمل صراحه وخوّنت وفتحته D: مرره كنت متحمسه اجربه من كثر المدح الزبده استانس لما اخذ شي ينمدح كثير ويطلع قد المدح احس اني ما انخدعت مادري شدخل بس المهم انو مرره حلو انصح اي وحده تجربه كميه قليله مره منه تكفيك ترسمين حواجبك الاثنين .. القوام كريمي ومره ناعم واستخدامه سهل ويعطي الحواجب شكل محدد ونظيف وهو ووتر بروف فَ ثابت بمعنى الكلمه ، درجتي Chocolate اللي هي بني غامق .

ظلال العين :
- Makeup Geek Crème Brulee Eyeshadow ، بديل لـ Soft Brown من ماك بس سوفت براون جاي شوي على وردي .. هذا ترابي نهايته مطفيه درجه مثاليه للترانزشن استخدمه على طية الجفن قبل لا احط الالوان الغامقه .

- Makeup Geek Cocoa Bear Eyeshadow ، اعششقه التصوير مطلعه احمر بزياده بس هو بني دافي بمعنى الكلمه اساسه احمر واضح ، لون اساسي عند اي بنت حطيته على طية الجفن وعلى زوايا العين الخارجيه وتحت الرموش السفليه .

- Makeup Geek Shimma Shimma Eyeshadow ، استخدمته على مدمع العين .. ذهبي فاتح " شامبيين " معدني ، النسخه الافضل مية مره والارخص من شروم الشهير مره من ماك .. البيجمنتيشن فضيييع والقوام كريمي بمعنى الكلمه كثير استخدمه برضو كاضاءه للوجه مو بس ظل .. استخدمه على عظمة الحاجب وحتى على عظمة الخد .

الجل لاينر :
Inglot AMC Eyeliner Gel .

الرموش : RedCherry Eyelashes #43 .

الكحل : Rimmel London Scandaleyes Beige Eyeliner - هالكحل رخيص بس يجنن كريمي مره وبنفس الوقت ثابت .. اخترت احط جوى عيوني بيج لأن حبيت يضل شكلهم مصحصح .

الماسكارا : Eyeko Skinny Brush Mascara - المسكارا فرشتها مره نحيفه تعطي الرموش طول فضيع ومره تحليهم تخليهم مفصولين عن بعض وتعيطهم شكل محدد وسوادها فضيع .. احبها للرموش العلويه والسفليه بس هالمره استخدمتها للرموش السفليه عشان تعطيهم طول وتفصلهم وهالشي يعمل توازن للعين بحيث ماتكون بس الرموش العلويه كثيفه وطويله .

البرونزر : Too Faced Milk Chocolate Soleil Bronzer - برونزر مطفي من توفيسد يناسب البشرات الفاتحه الى المتوسطه .. جميل بهالفتره لأني بالشتا ما اسمر بشرتي فَ هالبرونزر درجته ملائمه .. اللي بشرتها متوسطه الى غامقه ماراح يبين عليها راح يكون مره فاتح في منه درجه اغمق اللي هي Chocolate Soleil بدون ملك D: وهي اللي تناسب البشرات المتوسطه الى الغامقه ، عموماً البرونزر جميل ما يتفوت اللون غني والقوام ناعم وبسهوله يندمج .

الهايلايتر : The Balm Mary Lou Manizer .

البلاشر : Benefit Coralista Blush - من اسمه اللون كورال ترى فاتح مره ويادوب يبين بس التصوير مبينه قوي .. المهم لون حلو وهادي واللي تستخدمه تقدر تستغني عن الهايلايت لأنه فيه شيمر ذهبي صح اشوفه خفيف ومو مره يبين على البشره لكن يعطي توهج لطيف .

الروج : M.A.C Diva Lipstick - احمر عنابي .. لوني المفضل الى الابد سوا خريف او شتا او اي فصل اشوفه لون مناسب للي يبون يحطون غامق بس مو مره جريئين مع الغوامق لأنه صاير بالنص ويناسب كل البشرات .

الجلوس : Gerard Cosmetics Seduction Lip Gloss - جلوس عنابي غامق جميل فوق اي روج عنابي او احمر غامق .

تلقون تفاصيل اللبس خر البوست