Benefit Liqouid highlighter VS NYX Born To Glow

السلام عليكم
اليوم البوست راح يكون مقارنه بين الاضاءه السائله من بنفت , والاضاءه السائله من نكس .

من فتره قريبه مره شفت هالاضاءه السايله عند نكس Born To Glow  اعجبني الاسم مره هههه  اتوقع انها جديده يمكن نزلت بصيف 2013 , المهم قررت اجربها وانا بالمحل اجرب الدرجتين احترت اي وحده اخذ وقلت بس يابنت اقطعي الحيره وخذيهم الاثنين عاد يوم اخذتهم وجربتهم حسيتهم مقاربين كثير لأضاءة بنفت السايله فقررت اني اعمل مقارنه بينهم .. وخصوصاً انهم نفس الالوان تقريباً ويعطون نفس النتيجه مع الفرق بالسعر .

طريقة الاستخدام للأثنين او اي اضاءه سائله  بعد ماتحطين الميك اب وتخلصين تحطين شوي من الاضاءه على اصبعك , تبدين من عظمة الخد لو تلاحضون قبل ماتحطون الميك اب عظمة الخد اساساً فيها اضاءه طبيعيه فينا كلنا فَ اللي نبي نسويه انو نبرزها .. فَ نبدا من عظمة الخد لين زاوية العين الخارجيه اللي عند الحاجب  تكون على شكل C نفس الصوره

بعد كذا تدمجينها بالطبطبه وحاولي تكون حركتك مره خفيفه لأنه سائل وبتحطينه فوق الفاونديشن فما تبين يمسح لك شي وبرضو لازم تدمجين بسرعه لأنهم ينشفون وبعد ماينشفون صعب تسوين اي شي وصعب تعدلين عليهم .. بس عموماً الاثنين سواء اضاءة بنفت او اضاءة نكس يندمجون بسهوله .. تقدرين تخلطينهم مع الاساس تبعك او تكتفين بإنك تحطينهم على عظمة الخد او تحت الحاجب .

طيب نبدأ بالمقارنه :
السعر :
اضاءة بنفت : 135 ريال .
اضاءة نكس : 47 ريال .

الحجم :
اضاءة بنفت : 13 مل .
اضاءة نكس : 18 مل .

القوام :
اضاءة بنفت : كريمي خفيف , مو متماسك او ثقيل او دهني بس بنفس الوقت اثقل من انه يكون سايل .
اضاءة نكس : كريمي خفيف بالضبط نفس اضاءة بنفت .

شكل العلبه :
اضاءة بنفت : ككل منتجات بنفت السايله علبتها زي المناكير , ولها فرشه تستخدمينها  بتوزيع الاضاءة على وجهك .
اضاءة نكس : انبوب تضغطينه طبعاً , وتحطين كميه بسيطه مره على اصبعك وتوزعينه على الاماكن اللي تبين تبرزينها

الالوان :
اضاءة بنفت متوفره بـ 3 الوان اللون الثالث moon beam ماراح اتكلم عنه لأني ماجربته , راح اتكلم عن الـ :
High beam : وردي لؤلؤي وفيه شيمر فضي , ملائم اكثر للبشرات الفاتحه يعطيك توهج فضي لما تدمجينه بتحسين ان اللون جاي على فضي اكثر من الوردي .
Sun beam : ذهبي وفيه شيمر , ملائم لجميع البشرات يعطيك توهج ذهبي .

اضاءة نكس متوفره بلونين :
Sun beam : وردي لؤلؤي وفيه شيمر فضي " اللون مطابق تماماً لهاي بيم من بنفت مافي اي فرق بينهم " , ونفس الهاي بيم ملائم اكثر للبشرات الفاتحه .
Gleam : مشمشي فاتح وفيه شيمر ذهبي , ملائم لجميع البشرات , لونه يندمج مع البشره ويعطيك توهج ذهبي خفيف اشوف اضاءته طبيعيه وهاديه اكثر من الـ sun beam من بنفت .

سواتش للألوان :
اضاءة بنفت :





اضاءة نكس :



شايفين كيف الهاي بيم من بنفت والسن بيم من نكس مافي اي فرق بينهم .

الثبات :
اضاءة بنفت : 6 ساعات .
اضاءة نكس : 6 ساعات .

مدة صلاحية المنتج :
اضاءة بنفت : تنتهي بعد 6 شهور من تاريخ فتح العلبه .
اضاءة نكس : تنتهي بعد 12 شهر من تاريخ فتح العلبه .


اماكن توفر اضاءة بنفت : سيفورا , وجوه .
اماكن توفر اضاءة نكس : سنتر بوينت .

الاضائتين الشيمر فيهم مره قوي واشوفهم يناسبون السهرات اكثر من الاستخدام اليومي , بالنهايه اضاءة نكس بديل ممتاز بمعنى الكلمه لأضاءة بنفت ف اللي تحب الاضاءه السائله وماسبق وجربت بنفت او جربته بس تبي بديل ارخص انصحها وبقوه تجرب اضاءة نكس اول بالذات Gleam لأنه يناسب جميع الوان البشره .. مافي اي فرق يذكر الاثنين يعكسون الاضاءه بشكل جميل الاثنين يعطون توهج جميل للوجه الفرق الوحيد هو السعر , ما اقول اضاءة بنفت سيئه , ابداً شخصياً مره احب السن بيم لكن كبديل ارخص اضاءة نكس تؤدي الغرض بالضبط مثل اضاءة بنفت .

بالنهايه اتمنى ان البوست يكون مفيد 3>