Lush & Stenders Haul

السلام عليكم
اليوم البوست راح يكون مشترياتي من لش وستندرز , المحلين متشابهين يتميزون بأن منتجاتهم طبيعيه 100% بس ستندرز اغلى شويتين من لش .

اول شي : لش \ Lush

Big Sea Salt Shampoo

نبدأ بحبيب القلب D:  شامبو بق \ Big , تكلمت عن تجربتي معاه بالتفصيل هنا
هالشامبو عششق بعيد عن انه ينظف شعري بس مايفقده حيويته ونعومته لكن يجلس شعري بنفس النعومه والحيويه حتى اليوم الثاني
مع ان شعري بطبيعته الدهنيه مايجي اليوم الثاني الا وهو لازق براسي .. لهذا السبب اقدر هالشامبو وكل ماخلص وسمحت لي الفرصه اشتريه بشتريه بدون اي تردد .

السعر : 138 ريال .

                                                                     

Mask Of Magnaminty

عباره عن قناع متعدد الاغراض \ multi-purpose  يعمل على تطهير وتنظيف وتهدئة البشره , تقدرين تستخدمينه لوجهك ورقبتك وظهرك , مكوناته زيت النعناع يهدي البشره ويعطيها احساس بروده وانتعاش والعسل يعتبر مُطهر للبشره , اخذت الحجم الصغير وانصح انو تاخذون الحجم الصغير اذا اخذتوا ماسك من عندهم لأنه مايقعد اكثر من شهرين .

من هنا تعرفين تاريخ صُنع المنتج وتاريخ انتهاءه , وتلقونه بكل منتجاتهم لأن مافيها مواد حافظه وان وجدت تكون بنسبه قليله فَ غالباً ما تطول معك عشان كذا انتبهوا على التواريخ .

السعر : 61 ريال .

Ocean Salt Cleanser

ثالث شي منظف يومي للوجه , من الاشياء اللي قريت عليها مدح كثيييير فقررت اني اجربه يُستخدم للوجه والجسم ومع اني حسيته بيكون خشن على الوجه فَ ماعرف اذا راح يناسب وجهي او لا بس بجربه عموماً , مكوناته املاح بحر تعمل تقشير للجلد وتشيل الخلايا الميته وجريب فروت كمنظف وقابض للمسام وزبدة الافوكادو للترطيب وليمون منقوع في فودكا D: !! مثالي للبشره اللي تعاني المشاكل والمسام المقفله والرؤوس السوداء , نجرب ونشوف يستاهل كل هالمدح او لا .

السعر : 82 ريال .

 Bubblegum Lip Scrub 

اخر شي مقشر الشفايف " اكثر شي مشهور عندهم " , المقشر الاول قرب يخلص فأخذت لي ثاني , اتوقع هذي ثالث او رابع مره اشتريه ؟ معناته مره احببه يترك الشفايف نااااعمه بشكل فضييع .... وطعمه حلو D: مكوناته جداً بسيطه سكر وزيت الهوهوبا مع كذا مره فعّال عيبه الوحيد سعره يعتبر غالي على منتج بهالبساطه وممكن تعملينه في البيت .

السعر : 61 ريال .

الحلو في لش جده ان نص الاشياء مخلصه فما تحتارين وش تاخذين هههههه

اخر شي شريته كان املاح ورغوه للبانيو .. تعطي لون وريحه جميله للمويه وتساعد على الأسترخاء وهي الجزء المفضل عندي لما اروح لش هههه

نبدأ بـ املاح المغطس \ Bath Bombs

Space Girl

مكوناتها زيت الجريب فروت يعطيك انتعاش وزيت البرغموت يطهر الجلد واخر شي زيت اللوز .. ريحتها مالها اي علاقه بالجريب فروت , ريحه حلوه مش حامضه بس ماعرفت ايش هي .. ريحتها جميله بس خفييفه مره اللي تحب الروايح القويه ماراح تعجبها عموماً مش المفضله عندي لأن اللون اللي تعطيه خفييف جداً وقبيح D: لا هو احمر ولا هو بنفسجي والجليتر اللي فيها بمجرد ماحطها فالمويه يختفي  بس شريتها مره ثانيه لأن ريحتها على الرغم من انها خفيفه لكن حلوه و لأن اول مره جربتها اول ماطلعت لاحظت ان جسمي كان مره ناعم .

السعر : 23 ريال .

Phoenix Rising

مكوناتها زبدة الشيا فَتعطيك ترطيب وزيت البرغموت اللي يطهر الجلد وزيت القرفه يشيل الاجهاد ويعطيك طاقه واخر شي للترطيب زيت الهوهوبا , ريحتها قرفه بالنسبه لي الروايح الحاره تعطيني استرخاء صح اني احبها اكثر بأوقات البرد والشتا لأن الريحه كذا تحسسك بالدفا لكن ماقاومت ريحتها ولا شكلها ولونها .

السعر : 35 ريال .

Golden Egg

اجملهم مو هاين علي حتى استخدمها D: بغض النظر عن الجليتر الجميييل واللون الذهبي ريحتها قد ماهي حلوه ممكن جداً اكلها .. ميزتها عن باقي الاملاح ملمسها شوي مختلف عنهم ناعم وكريمي السبب انها جامعه بين املاح المغطس وزيوت المغطس \  Bath Bombs & Bath melts
مكوناتها زبدة كاكاو وزيت البرتقال وزيت البرغموت ولو ملاحظين معظمهم يدخل زيت البرغموت في مكوناتهم وهو من الزيوت العطريه اللي تُستخدم كَعلاج للأكتئاب والقلق , واخر شي زيت الزيتون .
ريحتها عسل وتوفي نفس ريحة صابونة honey I washed the kids هالصابونه كانت من مشترياتي الاولى من لش
وقلت اني ماحبيتها قد ماحبيت ريحتها .. ريحة عسل وتوفي جميييله مره ولذيذه ودك كل شوي تشمينها .

السعر : 35 ريال .

Fluffy Egg

ريحتها فانيلا وكوتون كاندي ريحه حلوه بإختصار , نفس ريحة مقشر الشفايف Bubblegum .

السعر : 30 ريال .


رغوة المغطس \ Bubble Bars 

The Comforter

مكوناتها زيت البرغموت , عنب , زيت السرو .. ريحتها لذيييذه ما اعرف ايش بالضبط بس ريحتها حلاوه او علك بالعنب d: حجمها كبير تكفيك لـ4 استخدامات .

السعر : 51 ريال .

Amandopondo

مكوناتها زيت الليمون وزيت البرتقال وورد .. ريحتها ورد ماحبيت ريحتها لكن شريتها لأنو توقعت انو بيكون جوتها ورد في وحده مثلها بس على شكل قلب وجوته ورد روز مجفف ولما تذوب يطلع الورد اللي جوتها ويمتلي البانيو ورد لكن للأسف طلعت ذي مافيها شي جوتها D: .

السعر : 34 .

ثاني شي : ستندرز \ Stenders

ستندرز شركه اوروبيه اشوفها شبيهه لـ لوكسيتان بالذات من ناحية التغليف والاسعار متقاربه دلتني على المحل قريبتي في زيارتي لجده وقالتلي انها جربت من عندهم كذا شغله ولقت عليها نتايج حلوه وحمستني اجرب صراحه وللأسف زيارتنا له كانت في اخر يوم لي في جده فنوعاً ما كنت مستعجله , مدري اذا في وحده مثلي لازم تروح المحل اول وتشوف كل شي فيه بعدين الروحه الثانيه تقرر وش تشتري D: ؟! ماعلينا بتكلم عن الاشياء اللي شريتها 

Amber Shower Scrub

اول شي اخذته كان مقشر الكهرمان ( العنبر ) للجسم ملائم للأستخدام اليومي .. هالشي فضيييع جربته بالمحل ولقيت نتيجته في نفس اللحظه , تحسين جلدك فيه نظاره غير انه يعطي نعووومه فضييييعه للبشره .

Body Yogurt

الشي الثاني اللي اخذته كريم للجسم .. والله مدري وين كان عقلي فيه يوم اخذت هالريحه بس قلت لكم ما احب انحط امام الامر الواقع واتسوق في نفس اللحظه ههههه احس مخي يتشتت المهم ريحته ورد الاكيد انها مو سيئه بالنسبه لكثير لكن بالنسبه لي من الروائح الغير محببه D:  مكوناته زيت الصويا وزيت اللوز الحلو وزبادي وفيتامين E .. ترطيبه خفيف ومافيه زود صراحه .

24K Gold Soap 

صابونة الذهب مكوناتها ذهب ورمان .. اكثر شي انمدح لي ومحققه افضل مبيعات عموماً نجربها ونحكم بعد التجربه .. ولو اني مو صحبه اوي مع الصابون ولا احب استخدمه لوجهي لكن كان محلوف علي ما اطلع من المحل الا وانا شاريتها بحكم انها اشهر واهم شي عندهم هي تجي قالب كامل يا اما تخلينهم يقطعونها لك او انتي بنفسك تقطعينها للعدد اللي تبينه .

Cranberry Lip Butter

اخر شي مرطب للشفايف بالتوت وزبدة الشيا .. حلو بس مايستاهل 80 ريال .


اماكن توفر لش في جده : ستارز افينيو .
اماكن توفر ستندرز في جده : ردسي مول .