السلام عليكم
اليوم البوست راح يكون مشترياتي من لش وستندرز , المحلين متشابهين يتميزون بأن منتجاتهم طبيعيه 100% بس ستندرز اغلى شويتين من لش .
اول شي : لش \ Lush
Big Sea Salt Shampoo
نبدأ بحبيب القلب D: شامبو بق \ Big , تكلمت عن تجربتي معاه بالتفصيل هنا
هالشامبو عششق بعيد عن انه ينظف شعري بس مايفقده حيويته ونعومته لكن يجلس شعري بنفس النعومه والحيويه حتى اليوم الثاني
مع ان شعري بطبيعته الدهنيه مايجي اليوم الثاني الا وهو لازق براسي .. لهذا السبب اقدر هالشامبو وكل ماخلص وسمحت لي الفرصه اشتريه بشتريه بدون اي تردد .
السعر : 138 ريال .
Mask Of Magnaminty
عباره عن قناع متعدد الاغراض \ multi-purpose يعمل على تطهير وتنظيف وتهدئة البشره , تقدرين تستخدمينه لوجهك ورقبتك وظهرك , مكوناته زيت النعناع يهدي البشره ويعطيها احساس بروده وانتعاش والعسل يعتبر مُطهر للبشره , اخذت الحجم الصغير وانصح انو تاخذون الحجم الصغير اذا اخذتوا ماسك من عندهم لأنه مايقعد اكثر من شهرين .
من هنا تعرفين تاريخ صُنع المنتج وتاريخ انتهاءه , وتلقونه بكل منتجاتهم لأن مافيها مواد حافظه وان وجدت تكون بنسبه قليله فَ غالباً ما تطول معك عشان كذا انتبهوا على التواريخ .
السعر : 61 ريال .
Ocean Salt Cleanser
السعر : 82 ريال .
Bubblegum Lip Scrub
اخر شي مقشر الشفايف " اكثر شي مشهور عندهم " , المقشر الاول قرب يخلص فأخذت لي ثاني , اتوقع هذي ثالث او رابع مره اشتريه ؟ معناته مره احببه يترك الشفايف نااااعمه بشكل فضييع .... وطعمه حلو D: مكوناته جداً بسيطه سكر وزيت الهوهوبا مع كذا مره فعّال عيبه الوحيد سعره يعتبر غالي على منتج بهالبساطه وممكن تعملينه في البيت .
السعر : 61 ريال .
الحلو في لش جده ان نص الاشياء مخلصه فما تحتارين وش تاخذين هههههه
اخر شي شريته كان املاح ورغوه للبانيو .. تعطي لون وريحه جميله للمويه وتساعد على الأسترخاء وهي الجزء المفضل عندي لما اروح لش هههه
نبدأ بـ املاح المغطس \ Bath Bombs
السعر : 23 ريال .
Phoenix Rising
مكوناتها زبدة الشيا فَتعطيك ترطيب وزيت البرغموت اللي يطهر الجلد وزيت القرفه يشيل الاجهاد ويعطيك طاقه واخر شي للترطيب زيت الهوهوبا , ريحتها قرفه بالنسبه لي الروايح الحاره تعطيني استرخاء صح اني احبها اكثر بأوقات البرد والشتا لأن الريحه كذا تحسسك بالدفا لكن ماقاومت ريحتها ولا شكلها ولونها .السعر : 35 ريال .
Golden Egg
مكوناتها زبدة كاكاو وزيت البرتقال وزيت البرغموت ولو ملاحظين معظمهم يدخل زيت البرغموت في مكوناتهم وهو من الزيوت العطريه اللي تُستخدم كَعلاج للأكتئاب والقلق , واخر شي زيت الزيتون .
ريحتها عسل وتوفي نفس ريحة صابونة honey I washed the kids هالصابونه كانت من مشترياتي الاولى من لش
وقلت اني ماحبيتها قد ماحبيت ريحتها .. ريحة عسل وتوفي جميييله مره ولذيذه ودك كل شوي تشمينها .
السعر : 35 ريال .
Fluffy Egg
ريحتها فانيلا وكوتون كاندي ريحه حلوه بإختصار , نفس ريحة مقشر الشفايف Bubblegum .السعر : 30 ريال .
رغوة المغطس \ Bubble Bars
The Comforter
مكوناتها زيت البرغموت , عنب , زيت السرو .. ريحتها لذيييذه ما اعرف ايش بالضبط بس ريحتها حلاوه او علك بالعنب d: حجمها كبير تكفيك لـ4 استخدامات .السعر : 51 ريال .
السعر : 34 .
ثاني شي : ستندرز \ Stenders
ستندرز شركه اوروبيه اشوفها شبيهه لـ لوكسيتان بالذات من ناحية التغليف والاسعار متقاربه دلتني على المحل قريبتي في زيارتي لجده وقالتلي انها جربت من عندهم كذا شغله ولقت عليها نتايج حلوه وحمستني اجرب صراحه وللأسف زيارتنا له كانت في اخر يوم لي في جده فنوعاً ما كنت مستعجله , مدري اذا في وحده مثلي لازم تروح المحل اول وتشوف كل شي فيه بعدين الروحه الثانيه تقرر وش تشتري D: ؟! ماعلينا بتكلم عن الاشياء اللي شريتها
اول شي اخذته كان مقشر الكهرمان ( العنبر ) للجسم ملائم للأستخدام اليومي .. هالشي فضيييع جربته بالمحل ولقيت نتيجته في نفس اللحظه , تحسين جلدك فيه نظاره غير انه يعطي نعووومه فضييييعه للبشره .
Body Yogurt
24K Gold Soap
Cranberry Lip Butter
اماكن توفر لش في جده : ستارز افينيو .
اماكن توفر ستندرز في جده : ردسي مول .
ماشالله لش احبه هالمحل حتى لو مالي غرض فيه انبسط لما ادخله يوسع الصدر
ردحذفانا احب صورابينهم اكثر شي مره جربت شامبو ولاعجبني ومعد جربت شي ثاني
تتهني بمشترياتك ياعسل عليك بالعافية ^^