Is it a dupe ? Maybelline Baby Skin Primer VS Benefit The porefessional Primer

السلام عليكم
اليوم البوست راح يكون مقارنه بين برايمر بيبي سكن من ميبيلين و برايمر ذا بورفيشنال من بنفت .

القوام :
بيبي سكن : سيليكون  .
ذا بورفيشنال : قوامه مثل البلسم Balm كريمي خفيف واحساسه على البشره مخملي .

اللون :
بيبي سكن : شفاف .
ذا بورفيشنال : لونه بيج بمجرد ماتحطينه على بشرتك يندمج مع بشرتك ويروح اللون .

التغليف :
الاثنين نفس الشكل تيوب .. ولهم نفس الالوان هالشي احسه بشكل ما خلا المقارنه بين الاثنين تزيد اذكر اول مانزل كل الناس هبوا فيه على اساس انه بديل .

الحجم :
بيبي سكن : 22ml .
ذا بورفيشنال : 22ml .

السعر :
بيبي سكن : 70 ريال عند التاجرات .
ذا بورفيشنال : 158 ريال .

اماكن التوفر :
بيبي سكن : متوفر اونلاين بس او من عند تاجرات الى الان مش متوفر بمحلاتنا .
ذا بورفيشنال : سيفورا ، وجوه .

الايجابيات :
- خفيف على بشره .
- نهايته مخمليه ، يحافظ على البشره مطفيه بدون لمعان .
- يقلل من حجم المسام بشكل مُلاحظ .
- خالي من الزيوت ، بالتالي مناسب لبشرتي الدهينه .

السلبيات :
- مش البرايمر اللي استخدمه عادةً لما اعتمد مكياج نوعاً ما ثقيل او لمناسبه مهمه وابي مكياجي يكون ثابت اطول وقت ممكن .. استخدامي له لأماكن محدده اللي هي يكون فيها المسام اكبر مثل حول الانف .. فَ جد يملي لي المسام ويقلل من حجمها لكن استخدم معاه برايمر ثاني يخلي الميك اب ثابت اكثر .
- لو بشرتك جافه راح يبرز الجفاف اكثر وممكن يتجمع ويتكتل بالاماكن الجافه على شكل قشور .

الايجابيات :
- يخلي البشره ناعمه مره .
- يثبت الميك اب ، وبصراحه ماكنت مره متأمله فيه من هالناحيه يعني توقعت اني راح احتاج اعدل على مكياجي بالكثير بعد 5 ساعات وتفاجئت ان الميك اب كان ثابت 9 ساعات وهذا شي بالنسبه لي ممتاز .
- مناسب للبشرات الجافه يعطي شعور بالترطيب .
- خالي من العطور .

السلبيات :
- احساسه على البشره ثقيل ، يترك شعور دهني راح يكون مزعج لو بشرتك دهنيه مع انه مايترك اثر دهني واضح او يخلي البشره تلمع .. لو بشرتك جداً جافه ، جافه ، عاديه .. راح تحبينه ، لو بشرتك دهنيه ، مختلطه ممكن تحسينه مزعج على البشره خصوصاً بفصول الصيف .
- يحتاج دمج كويس مو من البرايمرات الخفيفه اللي بسرعه تمتصها البشره .
- ما يقلل من حجم المسام ولا يعمل شي للمسام اصلاً ! .. فـ اللي تفكر تاخذه على هالاساس راح يجيها احباط انه ولا يسوي شي .

المقارنه :
من المقارنه المبدئيه واضح الاختلاف بين الاثنين عشان كذا كتبت ريفيو بسيط عن كل واحد فيهم ، حتى اقارن بين الاثنين حطيت من برايمر بورفيشنال على الجهه اليمين ومن برايمر بيبي سكن على الجهه اليسار بالاماكن اللي عندي فيها مسام كبير وواضح وهي حول الانف وقارنت بين الجهتين تحت نور الشمس لأن عيوب البشره تكون اوضح واكثر بروز والنتيجه كانت الجهه اللي عليها برايمر بنفت المسام اصغر واقل وضوح بشكل ملاحظ مره والجهه اللي عليها برايمر ميبيلين بيبي سكن المسامات نفس ماهي ماسوى اي شي ولا في اي فرق ، بالنسبه لي اشوف ان الاثنين يعملون بطريقه مختلفه .. برايمر بنفت يملي المسام ويعبيها بالتالي يقلل من ظهورها بس برايمر بيبي سكن يعمل Blur عالمسام مجرد تصفيه .

بشكل عام : البرايمر مو سيئ لكن مو مميز يعني ما اشوفه شي مايتفوت ولازم تجربونه ولا هو الشي اللي لو خلص راح اروح اشتريه ببساطه لأنه ماناسب طبيعة بشرتي ، اللي تفكر تشتريه ك برايمر " يقلل من حجم المسام " انصحها تبعد عنه وتجرب برايمرات ثانيه .

تنبيه مهم :
البرايمر اللي يدخل السيليكون في تركيبه يكون مفيد جداً في تعبية المسام والخطوط الدقيقه والتقليل من ظهورها وبرضو ينعم سطح البشره لكن بالمقابل تراكمه في المسام يؤدي لتوسعتها عشان كذا لا تستخدمونه بشكل يومي و احرصوا تنظفون بشرتكم زين مره بعد ما تستخدمونه .

انتهى البوست .. ان شاء الله راح تكون في مقارنات كثير بين منتجات رخيصه ومنتجات غاليه اتمنى انكم تحبوا الفكره وتكون مفيده .