Makeup Haul : Urban Decay , The Balm , NARS , Lime Crime , and more .

السلام عليكم .. اليوم البوست عن مشترياتي الاخيره للميك اب .

Urban Decay اربن ديكاي 

- De-Slick Double Shot
Travel-Size Makeup Setting Spray Duo

بخاخ مثبت للمكياج فيه منه 3 انواع هالنوع اللي هو De-slick يناسب البشره الدهنيه لأنه يتحكم بالدهون ويحافظ على البشره مطفيه بدون لمعان ، يحتوي على تقنيه عاليه تخلي الفاونديشن والبلاشر والظلال حتى بنفس الثبات والوضوح طول اليوم .. عندي منه الحجم الكبير ولأنه قرب يخلص قلت بطلب لي الحجم الصغير بما انه يجي علبتين وحجمها عملي اكثر يعني اقدر احطه بشنطة الميك اب  .. المهم انه ممتاز اللي قاصين عليها بفكس بلس على اساس انه مثبت ميك اب تجرب هذا وتشوف الفرق .

- All Nighter
Travel Size Long-Lasting Makeup Setting Spray

برضو بخاخ مثبت بس هذا النوع الاصلي ويناسب جميع البشرات .. كاتبين انه يحافظ على مكياجك ثابت وبنفس الوضوح لغاية 16 ساعه ، اخذت الحجم الصغير لأن كان بخاطري اجربه واشوف وش الفرق بينه وبين De-Slick .

- 24/7 BLACK VELVET
Glide-On Eye Pencil

قلم للعين التركيبه انعملت حتى تكون النسخه الجافه " مثل البودره تقريباً " من اقلام العين  24/7  Glide On Eye Pencil .. اربن ديكاي مصممين هالقلم حتى يكون سهل الدمج ونهايته مطفيه بس بنفس الوقت عنده خصائص النسخه الاصليه من وضوح وثبات .

- Eyeshadow Primer Potion

برايمر للعين ، قد جربت عينه منه جت مع باليتات نيكد اتوقع نيكد 1 و 3  .. المهم عجبني وقررت اشتريه كاتبين انه المنتج الاكثر مبيعاً عندهم ، يخلي الوان الظل اكثر وضوح ويثبته ويمنعه من انه يخطط او يتكتل .



The Balm  ذا بالم

- Frat Boy blush

بلاشر لونه مشمشي على وردي نهايته مطفيه .. بلاشرات ذا بالم عليها مدح كبير من ناحية ان الوان البلاشرات غنيه وثباتها عالي فكنت متحمسه اجرب شي منهم اخترت فرات بوي لأن اللون جميل ورايق وبرضو مطفي تماماً مافيه شيمر فـ مناسب للإستخدام اليومي و الدرجه هذي عموماً اشوفها تناسب جميع البشرات .

اكيد ذا بالم مشهورين بالريترو باكجينج واللي معطي منتجاتهم طابع مميز وجذاب بس اللي حبيته اكثر ان علبة البلاشر مصنوعه من الورق المقوى ونحيفه مره ووزنها خفيف تنفتح وتتقفل بالمغناطيس فـ ماتاخذ حجم بالشنطه وبرضو اقل عرضه للإنكسار .

- Bahama Mama
Bronzer, Shadow & Contour Powder

عباره عن برونزر مطفي وذا بالم كاتبين انه ينفع يكون ظل وكونتور باودر برضو .. لونه بني اساسه بارد الدرجه ممتازه للكونتور .

- Betty-Lou Manizer
Bronzer/Shadow

اذا فيه شي مخليني اشتاق للصيف فهو هالبرونزر  .. تخيلته راح يكون مثالي مع التان بالصيف لأن الشيمر الذهبي اللي فيه يعطي البشره توهج فضيع اكيد الدرجه ماتناسب الكونتور اولاً لأنها دافيه مره وشوي جايه على اورانج مع انه على البشرات الدافيه ماراح تبين اورانج ابداً بس ممكن اللي بشرتها بارده او البشرات اللي جداً فاتحه تبين معهم على اورانج و ثانياً لأن فيها شيمر ذهبي واضح ، يُستخدم كـ برونزر لكامل الوجه بحيث يعطي البشره دفا وتوهج المهم متحمسه مره اجربه لأنه اكثر برونزر مميز ومختلف عن الاشياء اللي عندي .. حسيت اللون مو مبين مره بالصوره هذا سواتش يبين قديش اللون جمييل *.*

- Schwing
Black Liquid Eyeliner

ايلاينر سايل ما اعرف كم مره شريت هالايلاينر بس اني خلصت منه كثير ، اول شي راسه مره دقيق ونحيف فـ يرسم العين بمثاليه بدون اخطاء لو انتي طبعاً متعوده دايماً ترسمين عيونك ، برضو يختصر الوقت استخدامه سهل وسريع .. واحلى شي فيه انه ينشف لمات يعني مطفي وبرضو اسود بمعنى الكلمه .. سعره 80 ريال عند التاجرات ، اللي عيونها تدمع بسرعه تبعد عنه ماراح يناسبها وماراح يكون ثابت معها .

- Read My Lips
Lip Gloss

اخر شي طلبته كان جلوس طايحه هالفتره في الجلوسات مع اني اول ماكنت احبهم المهم هذا درجته حلوه حق كل يوم اسمه SNAP! نيود بني على وردي .


NARS نارس

- Orgasm Blush

من الاشياء اللي من فتره طويله ابي اشتريه ومصره اني اجربه مع ان يوم شريته هه هه كأني ندمت لأن الدرجه عندي منها وااااجد ، عندي بدائل كثير له ارخصهم قولد روز من سليك عندي برضو كوراليستا من بنفت وبرضو باليت من لانكوم فيه بلاشر نفس اللون بس جلست اقنع نفسي انو لا عادي اكيد بلاشر نارس بيكون وضوحه وثباته افضل منهم D: .

 اورقازم مشهور غني عن التعريف وهو كورال فيه شيمر ذهبي جميل جداً ينور الوجه ومايحتاج معاه هايلايت .

- Ita Kabuki Brush

واخيراً جبت هالفرشه ، شعر الفرشه طبيعي وراسها مسطح ومدبب بفضل هالشكل توزع الكونتور والبرونزر بمثاليه .

- Audacious Lipstick

اخر شي شريته من نارس كان روجين من اجدد كولكشن عملوه كل اللي جربوا الارواج مدحوها .. قبل لا اتكلم عن الالوان بتكلم عن الباكجينج لأنو شي فخم *.* حبيت فكرة ان الغطا مغناطيس والارواج بس تقربينهم من بعض يلزقون ببعض ههه .. ماجربتهم للحين لكن مكتوب بموقع نارس ان النهايه ساتن Satin بمعنى الارواج الوانها غنيه ومو مطفيه تماماً ولا كريميه تماماً بالنص احساسها عالشفايف ناعم وتعطيك لمعه خفيفه .. الدرجتين اللي اخذتها كلها نيود .

Raquel : نارس واصفينه انو بيج على وردي .. حسيته بين الوردي والمشمشي على البشرات المتوسطه راح يبان شوي فاتح وكل ما كانت بشرتك اغمق كل مابين باهت والعكس على البشرات البيضا اللون دافي وغامق شوي .

Anita : وردي اساسه دافي .

Too Faced تو فيسد 

- Cat Eye Palette

اقدر اقول ان تو فيسد تغلبوا علي هالمره بالباكجينج وانفتن واشتريته لا شعورياً .. نفس كل باليتات توفيسد فيها 8 درجات هالمره الدرجات بين المات والشيمر والجليتر .. اول صف اللي هو المربعات الكبيره الوان للإضاءه " الهايلايت " حبيت مره اول درجيتن Purrr و Meow ، والصف الاخير من الباليت يستخدم مبلول او ناشف Wet/Dry .

Day 

Purrr : بيج فاتح جداً اساسه دافي فيه لمعه " شيمر " خفيفه .. اول لون للإضاءه حبيته .

Tiger's Eye : برونزي متوسط اساسه نحاسي دافي ، اللون فيه شيمر .. برضو من الالوان اللي حبيتها في الباليت .

Leopard : بني غامق اساسه دافي فيه شيمر ذهبي .. يُستخدم جاف او مبلول .


Classic

Meow : بيج فاتح اساسه محايد ، اللون مطفي .. اعشق هالدرجه كـ اضاءه للإستخدام اليومي لأنها هاديه وناعمه .

Pussy Cat : بنفسجي متوسط فيه شيمر ارجواني .

Jungle Love : بنفسجي غامق فيه شيمر فوشي .. يُستخدم جاف او مبلول .


Fashion

Kitten : وردي فاتح اساسه بارد ، اللون مطفي .

Kitty Glitter : فضي فيه شيمر .

Panther : اسود ، اللون مطفي .. برضو يُستخدم جاف او مبلول  .



Stila ستيلا 

- Eyes Are The Window Shadow Palette
 Soul

الباليت الثاني من ستيلا كنت متردده بينه وبين ميت مات من ذا بالم الاسعار متقاربه والاثنين الوانهم حلوه بس بالنهايه اخترت ستيلا شفته افضل من كل النواحي بدايةً من اسم الباليت " Eyes are the window " الى الوان الظلال الى الباكجينج الفخم على فكره الباكجينج ذهبي بس لأنه يعكس حطيت شي اسود D: .. ستيلا نزلوه في خريف 2014 بـ اربع باليتات اللي هما " Mind , Soul , Sprit , Body ".

الالوان مرره حلوه بس للأسف اللي خيب ظني هو جودة الظلال :( .. فيه بعض الالوان واضحه وفي بعضها جودتها مره سيئه اللي حتى مع برايمر بالموت تبين ! كنت ناويه اخذ Mind لأن الوانه اعجبتني بس بعد ماشفت جودة الظلال في باليت Soul سول غيرت رأيي .. ستيلا كاتبين انو الظلال تستخدم مبلوله او ناشفه Wet or Dry فـ الالوان اللي مابينت معي بجرب احط على الفرشه فكس بلس قبل ما اوزع اللون يمكن تبين اكثر لأن حرام الالوان مره حلووه :( 3/> واضح اني مغبونه ؟ :(

Anastasia Beverly Hills انستازيا بيفرلي هيلز 

- Anastasia Contour Kit 

و ا خ ي ر اً !! الصدق مادري كيف استحملت اني اخليه مقفل لين اكتب هالبوست ، من زمااااان ابيييه ودائماً مخلص المهم انو اخيراً شريته هو يجي فيه 6 درجات 3 للإضاءه " الهايلايت " و 3 للتحديد " الكونتور " .. تقدرون تطلبون الباليت هذا جاهز بنفس هالدرجات او تعملون باليت خاص فيكم لأن الدرجات هذي تناسب البشرات الفاتحه الى المتوسطه .. لو الدرجات ماتناسبك تقدرين تعملين باليت خاص فيك وتحطين فيه الدرجات اللي تبينها .

الوان الهايلات :-

Vanilla : بيج فاتح اساسه وردي مطفي ، حلو لتثبيت الكونسيلر تحت العين .

Banana : اصفر فاتح مطفي ، اعشق هالدرجه لثبيت الكونسيلر او الهايلات على وجهي بشكل عام ، بالنسبه لي اشوفها النسخه المضغوطه من بودرة بين ناي بنانا المشهوره نفسها بالضبط بس هذيك لوس باودر او بودره حره وهذي مضغوطه .

Sand : شامبيين فيه شيمر ، حلو على عظمة الخد .

الوان الكونتور :-

Java : بني اساسه احمر .

Fawn : بني اساسه بارد ، مُناسب للكونتور .

Havana : بني اساسه دافي ، مُناسب كـَ برونزر .


Beauty Blender بيوتي بلندر 

- Beauty Blender Micro Mini

النتفونه الجديده *.*

هفففف كيوت *.* انا اي شي ميني ما اقدر اقاومه ترى التصوير مطلعها عملاقه هي مره صغييييره ، طبعاً نفس فكرة البيوتي بلندر العاديه تبللينها قبل تستخدمينها ويكبر حجمها شوي .. تُستخدم للكونسيلر .



Gerard Cosmetics جيرارد كوزمتكس

- Gerard Cosmetics "Color Your Smile" lip glosses

جلوسين من جيرارد كوزمتكس يكملون المجموعه اللي عندي افكر اني اعمل ريفيو عنهم الصدق انا مو من الناس اللي تحب الجلوسات احب شكلهم احياناً بس اكره احساسهم على الشفايف المهم هذي الجلوسات هي اقل جلوسات تعطيك احساس انو في شي يلزق على شفايفك وبنفس الوقت ثباتها معقول والوانها واضحه من غير روج او محدد او اي شي تحتها بإستثناء بعض الالوان اللي هي من الاصل فاتحه وخفيفه .. اللونين اللي اخذتهم هما

- Cocoa bean : بني دافي .. جميل وممكن يكون نيود مثالي للبشرات السمراء .

- Plum Crazy : برقوقي عميق Deep Plum ، جميل مره ويناسب البشرات السمراء والفاتحه .

Lime Crime لايم كرايم

واخر شي طلبته كان من لايم كرايم طلبت ارواج بس وهي اللي اخرت البوست لأن تأخرت على ماوصلت ..
اخذت ثلاث ارواج من مجموعة Unicorn Lipstick

- Babette : نيود على وردي ، جميل على البشرات الفاتحه جداً والفاتحه .

- Chinchilla : رمادي على موف فاتح ( معلومه غريبه عني انا احب الارواج الرماديه او اللي يكون فيها لمحة رمادي اعرف بتقولون تخليك مثل الميته بس انا وبكل اسف احياناً يعجبني لوك الاموات والالوان الشاحبه معرفش يعني مزاج ههههه ) .

- Mint To Be : اخضر نعناعي ... امزح :") ! عاد اعجبني وش اسوي نقول لتصوير وكذا ، شوفوا انا بالارواج شوي مجنونه ممكن احط اي لون بس ما اطلع فيه احطه مع نفسي واجلس اتصور احبهم مره بس عندي اقتناع تاااام انهم مش للأستخدام اليومي الطبيعي ولا حتى بالمناسبات ممكن مناسبه بينك وبين صحباتك اللي مره يمونون اللي لو حشوا فيك بوجهك عادي هههه .

واخذت 5 ارواج من مجموعة Velvetines

بنات اللي ماقد جربت اي روج من هالمجموعه انصحها الحين الحين تروح تطلب اكثر ارواج ثابته جربتها بحياتي الروج يقعد معك اكثر من 8 ساعات حتى مع الاكل والشرب مايروح .. طبعاً هي ارواج سائله اول ماتحطينها بتكون كأنها جلوس وتنشف لمات .. اللي مايحبون الارواج المطفيه ماراح يحبونها لأنها مطفيه بمعنى الكلمه وتنشف الشفايف .

- Cashmere : لايم كرايم كاتبين انه جزئين متساويين من الرمادي والبيج .. لون جديد والحمدالله لحقت اطلبه قبل لا يصير سولد اوت ، اكثر لون كنت متحمسه عليه يوصل مره غريب ومميز بس بنفس الوقت يصلح للأستخدام اليومي ممكن البعض يشوفه شاحب بزياده بسبب الرمادي بس لوحده مثلي اشوفه كنيود جميل و غير تقليدي واتوقع انه راح يكون الروج المفضل عندي لفتره طويله .

- Pansy : بنفسجي حقيقي وساطع بس بنفس الوقت اللون عميق مش صارخ او نيون ، ثاني لون جديد اضافوه .

- Wicked : برضو من الالوان اللي دائماً سولد اوت وتقدرون تقولون هو سبب تأخير البوست لأن من شهر وانا استناه يرجع يتوفر في الموقع ! من جا الخريف على طول خلص مع ان اللون مو مميز يعني احمر عنابي لون تلقينه بأي ماركه بس انا مسسكت معي ابي هذا .. والصدق ثبات الارواج هذي يخليني ما اندم ابداً اني استنيتهم كل هالفتره يستاهلون كل ريال .

- Salem : واصفينه انه تشوكليت براون .. بني بمعنى الكلمه ادري اللون طالع ماينعرف وش هو بس لأن الباكجينج نفسه مطلع اللون خفيف مدري شلون اوصف بس المهم هو بني غامق حبيته ماعندي شي زي كذا .

- Black Velvet : اسود :) زي ماقلت انا مجنونه بالارواج يعني في الميك اب اميل للطبيعي بكل شيي لون الظلال دائماً اختار الوان طبيعيه عمري مافكرت اشتري باليت فيه الوان صارخه بس في الارواج ممكن اشتري اي لون حتى لو ازرق اكيد ما احطهم واطلع فيهم بس ما اخليهم بخاطري D: المهم انا احب الروج الاسود اللي يكون مطفي بمعنى الكلمه واغلب الارواج السودا اللي اشوفها يكون فيها لمعه اما هذا فـ مات بمعنى الكلمه وهذا احلى شي فيه .

سواتش لكل الدرجات 

وبس انتهى البوست الطوييل .. اتمنى يعجبكم 3> .