السلام عليكم .. البوست اليوم عن مفضلاتي لشهر يناير
BIG SEXY HAIR
What A Tease Backcomb In A Bottle
- هالسبراي منقذ للي شعرها مثل شعري يهبط بسرعه ويصير لازق براسها ، فكرته انه يعطي شعرك نفس الفوليوم اللي تحصلينه لما تسوين Teasing اللي هو انك تمشطين شعرك من فوق " قمة الرأس " هالمكان يكون غالباً مسطح فلما تمشطين الشعر بالعكس يعني من الاطراف للجذور ينفش ويعطيك حجم .. عني ما احب اسوي هالشي لشعري فهالبخاخ يعطيني بالظبط نفس النتيجه نفس الحجم والكثافه بجهد ووقت اقل وبدون ما اضر شعري .. الحلو فيه انه مايقسي الشعر ف يبين شكله طبيعي ، بالنسبه لي لأن شعري مره يهبط بعد وقت قصير فهالسبراي مره فادني ان شعري يحافظ على الحجم لوقت اطول .
طريقة الاستخدام : كاتبين لا ترجين العلبه Don't shake .. تقسمين شعرك من فوق " قمة الرأس " تبخينه على الشعر وتركزين على الجذور بعد كذا ترجعين الشعر وراح تلاحظين انه اعطى الشعر امتلاء وحجم .
Estee Lauder Advanced Night Repair Serum
Bobbi Brown Extra Repair Eye Cream
It Cosmetics Naturally Pretty Palette
Makeup Geek Foiled Eyeshadows
ايش يعني Foiled Eyeshadow ؟ بمعنى يكون قوام الظل كريمي ثقيل ونهايته معدنيه .. كأنه بيجمنت بس مضغوط ! ميزته ان البيجمنتيشن له عالي جداً بدون برايمر بدون اي شي بيعطيك لون ظل واضح وغني وكريمي ..اشوف ان هالنوع من الظلال الافضل يتوزع بالاصبع مو بالفرشه لأنه بيعطيك نتيجه افضل ، اخذتهم العشره واقدر اقول راضيه عنهم العشره كل لون احلى من الثاني بس اشوف ان اقل لونين من ناحية الوضوح هم البنفسجي والازرق وهاللونين استخدم تحتهم بيس كريمي اسود هالشي بيفرق 180 درجه في وضوح اي ظل بنفسجي او ازرق راح يبرز لك اللون بطريقه فضيعه لأن هاللونين حتى مع البرايمر راح يبينون باهتين عكس لما تحطينهم فوق لون اسود .
هنا سواتش لكل الدرجات
Maybelline Instant Age Rewind Concealer
- هالكونسيلر كان من المفضلات القديمه ورجعت له بعد ماتركته فتره من افضل الكونسيلرات الرخيصه اللي جربتها .. قوامه مره كريمي وبسهوله يندمج ويعطي نهايه طبيعيه ، هالفتره لأنه راضيه الحمدالله عن بشرتي ماصرت استخدم فاونديشن بس استخدم هالكونسيلر تحت العين بشكل مثلث وعلى بداية الجبهه وعلى عظمة الانف وعلى الذقن " اماكن الهايلايت المعتاده " وادمجه بالبيوتي بلندر وخلاص ينور بشرتي مره ويخفي الهالات الدرجه اللي استخدمها لايت Light مطابقه للون بشرتي .. عيوبه الوحيده انه بسرعه يخلص يعني يبي لي منه 3 غير هذا وبرضو طريقة استخدامه مو عمليه ساعات تطلع كميه اكبر بكثير من اللي احتاجها .
The Body Shop All In One Blusher
- YSL Rouge Volupte Lipstick in #3 Ultimate Beige : اللي هو بيج على بني .. انا هالفتره طايحه على البني الزبده هالروج مايطلع من شنطتي ابداً لونه جمييييل .. مرره كريمي ويبين الشفايف ناعمه ومليانه بشكل جميل *.* .
- Bobbi Brown Lipstick in Pale Pink : بوبي براون واصفينه انو باستيل بنك بالنسبه لي اشوفه الوردي الطبيعي العادي لون حلو حق كل يوم وعارفه ان كل الارواج اللي تكلمت عنها قلت لون حلو حق كل يوم بس جد هالفتره ماصرت احط الا نيود D: يمكن عشان دوامات وكذا ؟ المهم الروج مطفي ومره ثابت للأسف مالقيت سواتش للدرجه من النت بس انصحكم تجربون ارواج بوبي براون مو شرط هالدرجه بس هالمجموعه بشكل عام الالوان مرره حلوه وثابته .
- Bourjois Rouge Edition Velvet Lipstick : روج من بورجوا من الارواج المخمليه اللي هي احساسها عالشفايف كريمي ماتنشف شفايفك بس شكلها مطفي مخملي .. اعشق هالنوع من الارواج وبرجوا نزلت مجموعه جميله من الدرجات بس بالنسبه لي احلاهم هالدرجه 07 Nude-ist اللي هي وردي دافي على بني .. جمييله مره لون رايق حق كل يوم .
- Gerard Cosmetics "Color Your Smile" lip glosses in Plum Crazy : برقوقي .. جميل لوحده اول مره احب جلوس لوحده بس هذا جد فضيع *.*
Lime Crime Velvetines
- Salem : بكل بساطه بني .. انا هالشهر فاصله على البني ، المهم انصحكم نصيحه تجربون لو روج واحد منهم اذا انتم تحبون المات لأنها ثابته بشكل فضييييع تحطينه وتطلعين من الصبح لليل وخلال الطلعه تاكلين تشربين تتوضين ماراح يتحرك الروج من مكانه وفوق هذا ترجعين البيت وتشيلين الميك اب وتمسحينه وبالموت راح ينمسح :) الى هذي الدرجه ثابت .. بس عيبه انه ينشف الشفايف مره اللي شفايفهم ناشفه او مايحبون الارواج المطفيه ماراح يحبونهم .
Giorgio Armani Si Perfume
طبعاً مخلص للأمانه مو مره باقي بختين او ثلاث ههه .. يكفي عن اني اقول وش كثر احبه ؟ مكوناته فانيلا اوراق العنب وزهر البرتقال والعنبر والمسك ، الريحه بالنسبه لي ناعمه وجميله ومميزه يعني من العطور اللي اذا شميتها تلفتك .
وبس انتهى البوست اتمنى يعجبكم ♥
أنا أرش الشامبو الجاف على منابت الشعر يعطيني فوليوم متوسط بعد لاني أعاني من تسطح الشعر ='(
ردحذفلون القلوس Gerard Cosmetics "Color Your Smile" روعه ^ ^ مع اني ماحب القلوسات بس ذي حبيت اللوك اللي يعطيه
تسلمين على الموضوع عزيزتي ^ ^
فعلاً الدراي شامبو يعطي فوليوم فكره ممتازه
ردحذفوانا مثلك ما احب الجلوسات بس جلوسات جيرارد ممتاااازه *.*
الله يسلمك :*